កំពូល Rapper វ័យក្មេងប្រចាំប្រទេសកម្ពុជា ដែលទទួលបានការស្រលាញ់គាំទ្រយ៉ាងច្រើនសម្បើមកនាប៉ុន្មានឆ្នាំក្រោយនេះ លោក វណ្ណដា ក្រៅពីមានទេពកោសល្យផ្អែកច្រៀង តារាចម្រៀងពន្លកថ្មីមកពីទឹកដីដែនទេសចរណ៍សមុទ្រខេត្តព្រះសីហនុ រូបនេះ ក៏មានទេពកោសល្យផ្អែកនិពន្ធបទភ្លេង និងទំនុកច្រៀងយ៉ាងប៉ិនប្រសប់ផងដែរ។
ក្នុងបទចម្រៀងជាច្រើនបានបញ្ចេញជូនមហាជនអ្នកគាំទ្រស្ដាប់កម្សាន្តជាច្រើនបទមកនោះ ឃើញថាគ្រប់បទចម្រៀងរបស់លោកសុទ្ធសឹងតែទទួលបានការគាំទ្រ ដោយមានអ្នកចូលទស្សនារាប់លានដងក្នុងរយៈពេលខ្លីប៉ុណ្ណោះ។
មិនតែប៉ុណ្ណោះ ក៏មានឌីជេ និងក្រុមអ្នក Reaction បរទេសជាច្រើនបានលើកយកបទចម្រៀងរបស់លោកទៅធ្វើការ Reviews ធ្វើអោយប្រជាប្រិយភាពរបស់តារាចម្រៀងរូបនេះ ល្បីល្បាញស្ទើរពាសពេញពិភពលោក។
ដោយឡែក ក្រឡេកមកមើលរូបភាពជាច្រើនសន្លឹកបានបបង្ហោះនៅលើបណ្ដាញសង្គមហ្វេសប៊ុកកន្លងមក ឃើញតារាគ្រប់រូបភាពបង្ហាញពីទឹកមុខមាំមួន ស្រីៗឃើញហើយអាចនឹងលង់ដកចិត្តពុំរួចឡើយ ខណៈតារាចម្រៀងរូបសង្ហាម្នាក់នេះក៏នៅទំនេរបេះដូង មិនធ្លាប់លឺបង្ហើបបង្ហាញអ្នកគាំទ្រថា ខ្លួនមានស្នេហា មាននារីក្នុងសុបិន្តនៅឡើយនោះទេ។ តោះទៅមើលរូបភាពស្អាតៗរបស់ វណ្ណដា៖
