កាលពីថ្ងៃទី ០៨ ខែមករា ឆ្នាំ ២០២៣ កន្លងទៅ ពលរដ្ឋជាច្រើននៅប្រទេសជប៉ុន បាននាំគ្នាសម្រុកទៅកាន់ទីសក្ការៈបូជា Teppousu Inari នាទីក្រុង Tokyo ដើម្បីចូលរូមធ្វើពិធីសាសនា ចុះងូតក្នុងទឹកកក ដើម្បីទទួលបានសំណាងល្អក្នុងឆ្នាំថ្មីនេះ។
កម្មវិធីសាសនាប្រចាំប្រទេសជប៉ុនមួយនេះដែរ គឺប្រារព្ធធ្វើឡើងតាមដំណាក់កាល។ មុនចូលពិធី អ្នកចូលរួមទាំងអស់បាននាំគ្នារាំ រត់ជុំវិញព្រះវិហារប៉ុន្មានជុំ ឬ ឈរនៅពីមុខពន្លឺព្រះអាទិត្យ ហើយសូត្រធម៌ ក៏ដូចជាកម្ដៅខ្លួនរបស់ពួកគេ មុនចុះទៅងូតត្រាំក្នុងអាងទឹកកក។ ក្រោយងូតទឹកកករួចរាល់ អ្នកចូលរួមទាំងអស់នឹងត្រូវធ្វើការបួងសួងសុំសេចក្ដីសុខទៅតាមអ្វីដែលពួកគេប៉ងប្រាថ្នា។
គួរឱ្យដឹងថា ពិធីសាសនាមួយនេះផងដែរ គឺជាពិធីដ៏សំខាន់មួយ ដោយប្រជាពលរដ្ឋជឿជាក់ថា ការងូតត្រាំទឹកកកគឺអាចជួយលាងជម្រះភាពអពមង្គល ជួយឱ្យពួកគេមានសុខភាពល្អ និង ជាការស្វាគមន៍ឆ្នាំថ្មីផង៕
