បងប្អូនបានស្គាល់រួចមកហើយអំពីសមត្ថភាពច្រៀង ការប្រើប្រាស់សំឡេងយ៉ាងមានទឹកដមរបស់បេក្ខជន ថុល សុភិទិ នៅក្នុងកម្មវិធីប្រឡងចម្រៀងលំដាប់ថ្នាក់ពិភពលោករបស់ស្ថានីយទូរទស្សន៍ហង្សមាស។
ក្រៅពីមហាជនអ្នកគាំទ្រយ៉ាងច្រើននៅលើបណ្ដាញសង្គមនោះ ក៏មានតារាចម្រៀងរៀមច្បងលោក សាន ផានិត ក៏ជាហ្វេនរបស់ ថុល សុភិទិ ដែរ ខណៈតារាចម្រៀងជើងចាស់រូបនេះបានបង្ហោះរៀបរាប់លើកសរសើរអំពីបេក្ខជនរូបនេះជាច្រើន។
ក្នុងនោះលោក សាន ផានិត បានសរសេររៀបរាប់នៅលើហ្វេសប៊ុកថា «ប្អូន សុភិទិ នៅតែជាបេក្ខភាពសាកសម្យនិងលើកពានសំរាប់ខ្ញុំ ដោយសាតែប្អូនជានិមិត្តរូបសំលេងនៃភាពប្លែកដាច់ដោយឡែកមិនច្រឡំគេ ( Unique) ថ្នម អីន រលាក់ បត់បែនបានពិរោះតាមប្រភេទម៉េឡូឌីបទ ស្សេស ឆាក សមញ ល្អ។
ស្របពេលនេះបើទោះបីជាបេក្ខភាព៣នាក់ទៀតក៍សុតតែមានសមត្ថភាពល្អខ្លាំងផងដែរនោះ តែពួកប្អូនទាំង៣នោះនៅមានកំរិតសំលេងនៃភាពដែលមិនដាច់ដោយឡែក( Uniqued )នៅឡើយ។
សំរាប់សប្តារហ៍ទី៥ពាក់កណ្តាលផ្តាច់ព្រាត់នេះ សុភិទិ មើលទៅដូចជាបាក់ទឹកចិត្ត អាចចេញពីការអកស្សើលើបទចម្រៀងនិងដៃគូរច្រៀងរូម ទើបបានជាភ្លាត់ ស្ទើតង់ ស្ទើអារម្មណ័កន្លែងខ្លះ រហូតដល់បាត់បង់ទំនុកចិត្តនិងម្ជាស់ការ ។
យ៉ាងណា! ប្អូនមួយណាលើកពានក៍នៅតែជាអាយដូលបងនិងរបស់មហាជនទាំងអស់គ្នា ខុសពីការបញ្ជេញមតិបងម្នាក់ វាមិនដូចការគិតមហាជនបានទេ ប្អូនៗមកដល់វគ្គ័នេះមិនងាយទេកុំបារម្មណ៍ ខ្លាំងណាស់ សំខាន់ធ្វើអោយបានល្អបំផុតវគ្គ័បញ្ជប់ទៀត ស៊ូ ស៊ូ ពីបង សាន ផានិត ឯករាជ្យ»៕ អត្ថបទ៖ Fan-Dara
